ВМРО-ДПМНЕ: „СДС ја покажа својата хипокризија на дело за Гостивар, Филипче молчи, ги штити и не бара одговорност за своите функционери“

ВМРО-ДПМНЕ преку соопштение обвини дека СДС применува двојни стандарди во однос на состојбата со загадената вода во Гостивар и дека лидерот на партијата, Венко Филипче, не бара одговорност од функционерите на СДС во локалната власт.

— реклама —

Од партијата потсетуваат дека Филипче јавно го поддржал кандидатот Валбон Лимани на повторените локални избори во Гостивар, наведувајќи дека локалната власт, во која, според нив, учествуваат СДС, ДУИ и Арбен Таравари, не успеала навремено да се справи со кризата.

— реклама —

Според ВМРО-ДПМНЕ, поради состојбата било неопходно Владата и државните институции итно да интервенираат со обезбедување флаширана вода и техничка вода за граѓаните, додека, како што наведуваат, се преземаат активности за повторно воспоставување безбедно водоснабдување.

— реклама —

Од владејачката партија оценуваат дека СДС нема кредибилитет да бара политичка одговорност сè додека, како што тврдат, не ги повикува на одговорност сопствените функционери.

— реклама —

Во соопштението се наведува дека СДС и Венко Филипче постојано бараат оставки и одговорност од политичките противници, но молчат кога станува збор за нивните кадри. Од ВМРО-ДПМНЕ повикуваат СДС да покаже дека принципите на одговорност важат еднакво за сите, а не само кога тоа им носи политичка корист.