ВМРО-ДПМНЕ: СДС мора да научи дека тендер, набавка или прослава за ден на независност може да биде на легален и чесен начин организирано

ВМРО-ДПМНЕ преку соопштение реагира на обвинувањата од СДСМ во врска со тендерите, набавките и организацијата на прославата по повод Денот на независноста, порачајќи дека тие можат да се спроведуваат на законски начин.

— реклама —

Од ВМРО-ДПМНЕ велат дека СДСМ треба да направи разлика меѓу законско и чесно организирање на тендери, набавки и прослави и начинот на кој, според нив, тоа се правело во периодот кога СДСМ бил на власт.

„СДС мора да научи дека тендер, набавка или прослава за Ден на независност може да биде на легален и чесен начин организирано, а не на криминален и коруптивен начин како што тие знаеја и умееја да направат“, наведуваат од ВМРО-ДПМНЕ.

— реклама —

Од партијата додаваат дека СДСМ, според нив, не ја научил политичката лекција што, како што велат, ја испратиле граѓаните и оценуваат дека „времето на криминалот и корупцијата е завршено“.

— реклама —

ВМРО-ДПМНЕ обвинува дека во периодот на владеење на СДСМ секој тендер, набавка или друг вид договор бил проследен со сомнежи, коруптивни методи и провизии.

Во реакцијата се повикуваат и на работењето на Лотарија, при што од ВМРО-ДПМНЕ тврдат дека средствата наместо за прослави на независноста и за македонските артисти, уметници и пејачи, оделе во џебовите на Артан Груби и Перпарим Бајрами.

— реклама —

„Тоа е разликата меѓу ВМРО-ДПМНЕ и СДС. Ние инвестираме, работиме и вложуваме за граѓаните, а СДС и ДУИ, парите на граѓаните и институциите одеа во џебовите на Заеви, Филипче, Груби и останатите пајташи“, се наведува во партиската реакција.