ВМРО-ДПМНЕ: СДС со уличарски речник ја потврдува сопствената политичка немоќ, нека го погледнат видеото на Дејвид Гета

ВМРО-ДПМНЕ преку реакција одговори на обвинувањата на СДСМ, оценувајќи дека опозициската партија користи „низок и уличарски речник“ и покажува целосен недостаток на политичка зрелост.

— реклама —

Од партијата велат дека СДСМ и Венко Филипче наместо да покажат државотворност, се спротивставиле на прославата на 35 години независност на Македонија и на, како што наведуваат, илјадниците граѓани кои присуствувале на централната прослава.

— реклама —

„СДС и Венко Филипче не пропуштија прилика да пропуштат прилика за да демонстрираат државотворност и политичка зрелост. Тие директно се спротивставија на илјадници луѓе кои беа дел од прославата и кои ја поддржаа“, стои во реакцијата.

ВМРО-ДПМНЕ ги отфрла тврдењата на СДСМ за наводен криминал поврзан со организацијата на прославата, оценувајќи ги како „небулозни“ и наведувајќи дека целиот процес бил отчетен и транспарентен.

— реклама —

Во реакцијата, владејачката партија се осврнува и на видеото што светски познатиот диџеј Дејвид Гета го објави по настапот во Скопје.

— реклама —

„Ако нешто не им е јасно, нека го погледнат видеото на светски познатиот диџеј Дејвид Гета за Македонија, името кое, патем, СДС го промени“, порачуваат од ВМРО-ДПМНЕ.