ВМРО-ДПМНЕ: СДС зборува конфузно, без аргументи и без суштина

ВМРО-ДПМНЕ реагираше на прес-конференцијата на СДСМ, обвинувајќи ја опозициската партија за, како што велат, конфузен и неаргументиран настап.

— реклама —

„СДС денес звучи како евтин АИ модел – многу зборови, никаква суштина, конфузија и неповрзани нешта. Народски кажано: тропаат како ‘Максим по дивизија’“, се наведува во реакцијата.

Од партијата велат дека СДСМ истовремено отвора повеќе теми без јасна логика, аргументи или конкретна цел.

— реклама —

„Партијата која седум години ветуваше ЕУ ‘утре’, денес зборува за реформи кои самата не ги направи. Партијата која го урниса правосудството, сега држи лекции за владеење на правото. Партијата која ја заглави државата, зборува за изолација“, наведуваат од ВМРО-ДПМНЕ.

— реклама —

Според нив, наместо одговори за, како што посочуваат, неисполнетите ветувања и недостигот на резултати во периодот на владеење, СДСМ нуди „конфузија и празни тези“.

Во реакцијата се упатува и директна критика кон лидерот на СДСМ, Венко Филипче.

— реклама —

„Не знаеме што му е на Филипче, но посакуваме да се соземе и да престане да кажува глупости. Ова не е политика, ова е конфузија“, стои во соопштението.