СДСМ за две години го зголеми бројот на граѓани кои живеат под прагот на сиромаштија за 100 000. Тоа значи дека Зорав Заев , Мила Царовска и криминалниот картел околу нив дневно по 140 граѓани доведувале до питачки стап, велат од ВМРО-ДПМНЕ.
„СДСМ денеска отворено ја призна оваа катастрофа со која што се сочуваат полoвина милион жители на Македонија.
Арамиите од СДСМ без срам сакаат да им брцнат во џебот и на овие социјално најранливи категории.
По налог на Зоран Заев и Мила Царовска им се крати помошта која што ја добиваат од државата.
Со новиот Закон за социјална заштита, министерката Царовска ќе го намали на 50% додатокот за покривање на дел од трошоците за потрошувачки енергенси во домаќинствата.
СДСМ го укина и користењето на надоместокот на услугата помош и нега во домот, доколку истовремено се користи услугата лична асистенција.
Оваа ненародна власт ги укина стекнатите права на граѓаните кои беа гарантирани со мерките за трето и четврто дете.
Во предизборието ветуваа социјална помош од 12.000 денари, но излажаа, како и за се друго.
Сето ова покажува дека СДСМ води целосна негрижа во доменот на социјална заштита. Доаѓа денот кога граѓаните ќе стават крај на овие погубни политики на СДСМ“, се вели во соопштението.