ВМРО-ДПМНЕ: Во Чешиново Облешево се работи на локална инфраструктура, чистење на диви депонии и подобри услови за млади

Во Општина Чешиново-Облешево во изминатиот период се реализираат активности насочени кон подобрување на локалната инфраструктура, условите за семејствата и можностите за младите и најмладите, соопшти ВМРО-ДПМНЕ.

— реклама —

Како мерки за поддршка на семејствата, секое прваче добива финансиска помош од 3.000 денари, додека за секое првородено дете се обезбедуваат по 6.000 денари. Младите брачни парови се ослободени и од комунални трошоци за изградба на дом.

— реклама —

Во делот на инфраструктурата реконструирани се улиците „Сремска“, „Јоаким Крчовски“, крак од улицата „Први мај“ и „Осоговска“. Во завршна фаза се и улиците „Маршал Тито“ и „Прохор Пчински“.

Во Облешево се проширува детската градинка со цел зголемување на нејзините капацитети. Изграден е и нов парк со детски реквизити, а реконструиран е спортскиот терен во ООУ „Страшо Пинџур“ во Соколарци.

— реклама —

Општината презела активности и за подобрување на животната средина. Исчистени се диви депонии, а планирана е набавка на мулчер и нова компресорска цистерна.

Формиран е и Земјоделски совет, кој треба да работи на изнаоѓање решенија за проблемите на земјоделците, како и на подобрување на комуникацијата и поддршката за земјоделскиот сектор.