ВМРО-ДПМНЕ: Врховниот суд ја укина пресудата за Ласкарци и Стевчо излегува на слобода – сè што треба да знаете за судството под контрола на СДС и ДУИ

ВМРО-ДПМНЕ преку соопштение реагира на одлуката на Врховниот суд да ја укине пресудата за несреќата кај Ласкарци, во која загинаа 16 лица, посочувајќи дека за трагедијата сè уште нема одговорност.

— реклама —

„16 лица загинаа, а нема одговорни. Исто како што во правосудниот систем нема одговорност и за запалената модуларна болница на Венко Филипче, каде живи гореа луѓе. Во која друга држава и при кое друго судство може да загинат над 30 луѓе, а да нема виновни?“, прашуваат од ВМРО-ДПМНЕ.

— реклама —

Од партијата во реакцијата го посочуваат и случајот со Стевчо Јакимовски, кој, како што наведуваат, беше правосилно осуден за криминал, а сега е пуштен на слобода.

„Ова е сè што треба да знаете за судството водено од ДУИ и СДС, со 2 отсто доверба“, наведуваат од ВМРО-ДПМНЕ.

— реклама —

Од партијата го критикуваат и Врховниот суд и неговиот претседател Африм Фидани, оценувајќи дека со одлуката се нанесува срам на правдата во Македонија.

— реклама —

„Сега е јасно дека инсталациите на СДС и ДУИ во правосудниот систем сè уште се активни. Затоа талогот останува најдолу“, се вели во реакцијата.