Во врска со идејата на одредени политички партии македонската Влада да субвенционира работни места по етничка основа, ВМРО-Народна партија смета дека претходно треба се обезбедат два податока, прво да се направи попис во кој точно ќе се утврди кои се етничките малцинства во Македонија на кои би се однесувал таквиот предлог и што ако застапеноста на македонците е паднато под 50%, се вели во соопштението од ВМРО НП.
И второ кога веќе ја цепкаме Македонија по етничка линија сакаме Владата да ја информира јавноста за тоа кои се сопствениците на првите 100 најпрофитабилни фирми во Македонија по национален состав, ние сме длабоко уверени дека македонската нација учествува со многу мал процент во првите сто најпрофитабилни фирми, а ако се повтрди тоа ќе бараме со Закон да им се овозможи на македонците да бидат сопственици според процентуална застапеност, се вели во соопштението од ВМРО НП.
