ВМРО-Народна партија во овие тешки моменти за Македонија им ја честита издржливоста но и упорноста на нацијата да истрае во напорите да излезе како победник од предизвиците со кои се соочува години наназад, се вели во соопштението од ВМРО НП.
Можеме слободно да заклучиме дека во овие тешки моменти Македонија успеа да го одржи зацртаниот правец уште од осамостојувањето односно да ги заокружи стратешките заложби за нејзина Европска и НАТО интеграција.
Жртвата која нацијата ја поднесе за да дојде до реализација на овие стратешки цели е преголема па затоа оваа голема победа ја посветуваме токму на македонскиот народ, на сите оние кои придонесоа за нејзино насочување на патот до интеграциите но и на сите кои го дадоа животот за таа да биде суверена и уште посилна во иднина.
Веќе денеска мораме да се насочиме кон борбата против кризата со која се соочуваме и со што помалку последици да извојуваме победа и во оваа и не така мала битка, за да од утре се концентрираме на предизвиците и реформите кои ги носи токму процесот на пристапување во Европската унија, се вели во соопштението од ВМРО НП.
фото: Архива