ВМРО НП: Нека е честит денот и вечен пламенот кој сеуште гори во срцата на нацијата

Автор: Скопје1.мк

објавено пред 6 години - 23 октомври, 2019

Честитка по повод 23 октомври од ВМРО НП. Во честитката се вели:

Денеска го славиме поривот на групата во Солун, револуционерниот вознес кој после се не заврши како една најобична идеја, туку продолжи да вирее како визија за иднината на нивната и нашата татковина.

— реклама —

Визијата за слободна, автономна и независна Македонија која го хранеше револуционерниот порив низ годините потоа воскресна како државотворна идеја која денеска останува да ја чуваме и имплементираме до крај бидејќи како и тие така и нашите но и идните генерации ги чекаат нивните односно нашите борби за Македонија како што ја замислуваа нашите предци, револуционери, преродбеници како што ја замислуваше нацијата која ја воскресна идејата за ВМРО.

— реклама —

Да не беа БМОРК, па ТМОРО, ВМОРО, немаше да има ниту ВМРО, ниту стремеж, ниту борба за она што сме денес, за она што се стремиме да бидеме утре, Македонија широко препознаена како рамноправен член на Европското семејство.

Нека е честит денот и вечен пламенот кој сеуште гори во срцата на нацијата, пламенот кој ја разгори борбата за независна и европска Македонија.

Сподели