Во Белград уапсен скопјанецот кој прегази жена и побегна, следува екстрадиција

Саит Саитов од Скопје, кој се бараше со меѓународна потерница за тешка сообраќајна несреќа во која беше прегазена жена, е лишен од слобода во Белград.

— реклама —

На 11 февруари 2026 година македонските институции биле известени од надлежните служби во Србија дека Саитов е уапсен врз основа на потерница распишана од Министерството за внатрешни работи.

— реклама —

— реклама —

Тој се сомничи за сторени тешки кривични дела „против безбедноста на луѓето и имотот во сообраќајот“ и „неукажување помош на лице повредено во сообраќајна незгода“, поврзани со настан што се случи во Скопје на 9 јануари 2026 година.

— реклама —

На Саитов му е одреден екстрадициски притвор во Србија. Следува постапка меѓу министерствата за правда на двете држави за негово екстрадирање во Македонија, каде треба да биде изведен пред надлежните органи и да се соочи со правдата.