Во јули изречени речиси 21.000 казни, приведени 496 безобѕирни возачи

Во текот на јули, полициските службеници низ државата евидентирале 20.976 сообраќајни прекршоци, додека 496 лица биле лишени од слобода поради безобѕирно управување со моторно возило, соопшти Министерството за внатрешни работи.

— реклама —

Најголем дел од прекршоците, односно 4.241, се однесуваат на непочитување на дозволената брзина на движење.

Од приведените возачи, 373 управувале возило без возачка дозвола, 81 бил под дејство на алкохол, 25 возеле и покрај изречена забрана, тројца биле фатени како возат со екстремно висока брзина во населено место, 13 надвор од населено место, а едно лице управувало во забранет правец.

— реклама —

Во истиот период, полицијата одзела 332 возила согласно член 300-б од Кривичниот законик.

— реклама —

Според статистиката на МВР, во јули биле санкционирани и 4.694 возачи за неправилно паркирање, 430 за возење под дејство на алкохол, 2.073 мотоциклисти поради неносење заштитен шлем, како и 1.829 лица кои не користеле сигурносен појас.

Дополнително, од сообраќај биле исклучени 299 нерегистрирани возила и 125 технички неисправни возила, а 44 возачи биле санкционирани поради непрописно затемнети стакла.

— реклама —

Од МВР најавуваат дека засилените сообраќајни контроли ќе продолжат и во наредниот период, со апел до сите учесници во сообраќајот доследно да ги почитуваат правилата и прописите за поголема безбедност на патиштата.