Во јули регистрирани 11 нови случаи на ХИВ – девет мажи и две жени

Во јули во земјава се регистрирани 11 нови случаи на ХИВ/СИДА, од кои девет се мажи и две се жени. Станува збор за лица на возраст од 20 до 49 години, покажуваат податоците од најновиот билтен за движењето на акутните заразни заболувања.

— реклама —

Според податоците, од 1987 до 2026 година во Северна Македонија се евидентирани вкупно 765 лица со ХИВ/СИДА. Од нив, 141 лице починало, 508 лица живеат со ХИВ/СИДА, додека 116 лица се водат како изгубени за следење.

— реклама —

— реклама —

Во истиот период се регистрирани и случаи на други сексуално и крвно-преносливи инфекции. Во јули биле пријавени седум случаи на сифилис и четири случаи на вирусен хепатитис Б.

Дополнително, евидентиран е по еден случај на гонореја, инфекција со хламидија и вирусен хепатитис Ц.