Скопјанец бил лишен од слобода во автокамп на брегот на Охридското Езеро, откако полицијата при претрес во камп-приколка, која ја користел, пронашла марихуана.
Од МВР информираат дека на 4 септември во 23:45 часот, во автокамп во Охрид, полициски службеници од криминалистичката полиција при СВР Охрид го лишиле од слобода 44-годишниот Л.Д. од Скопје.
При претресот, извршен по судска наредба во камп-приколката, која ја користел, биле пронајдени и одземени најлонска кеса, пластична кутија со марихуана, како и предмети со остатоци од марихуана.
По целосното документирање на случајот, против лицето ќе биде поднесена соодветна пријава.
