Во последниот дневен извештај на министерството за здаравство се наведува дека на инфективната клиника во последното деноноќие се примени 15 пациенти. Вкупно се хоспитализирани 152 пациенти. На кислородна поддршка се 110 пациенти, нема пациенти на механичка вентилација.
Во болницата во Козле се хоспитализирани девет деца и девет мајки позитивни на вирусот, како и шест деца и четири мајки кои се сомнителни и за кои се чекаат резултати од испитувањата.
Во ГОБ „8 Септември“ има седум новопримени, а вкупно хоспитализирани се 49 пациенти. На респиратор се двајца пациенти.
Во болницата во Битола се хоспитализирани 72, а во болницата во Штип 48 пациенти.
На инфективните одделенија во Тетово, Охрид, Велес, Куманово, Прилеп, Гостивар, Струмица, Струга, Кочани, Гевгелија, Дебар, Кичево и Кавадарци се хоспитализирани 320 позитивни и сомнителни на Ковид-19.
