Професорката Мирјана Најчевска, посочува дека во моментов мора да се прогласи вонредна состојба.
„Во моментов мора да се прогласи вонредна состојба. Само во такви услови може да се ограничат правата и слободите кои во моментот им се ограничуваат на граѓаните (на ниво на колективно, а не индивидуално ограничување): Член 54 Слободите и правата на човекот и граѓанинот можат да се ограничат само во случаи утврдени со Уставот. Слободите и правата на човекот и граѓанинот можат да бидат ограничени за време на воена или вонредна состојба според одредбите на Уставот. Автоматски тоа е и правниот основ за одложување на изборите“, пишува Мирјана Најчевска.
Таа посочува во ситуацијава не може да се одржат избори.
„Имено, во ситуација на делумно ограничени права и слободи на граѓаните, во моментов не може да се одржат фер и слободни избори во кои секој граѓанин ќе има еднаква шанса да го даде својот глас за политичката опција за која сака“, додава Најчевска.
