Разбојник вооружен со пиштол ограбил обложувалница на подрачјето на Ѓорче Петров, при што од вработеното лице со закана одзел пари од дневниот промет.
Според пријавата во СВР Скопје, разбојништвото се случило на 9 септември околу 8:30 часот. Непознатото лице влегло во обложувалницата и, заканувајќи се со пиштол, му побарало пари на вработениот.
Откако ги одзело парите од дневниот промет, лицето го напуштило објектот.
Полицијата презема мерки за расчистување на случајот и за утврдување на идентитетот на сторителот.
