Лидерите Македонија, Србија и Албанија, Зоран Заев, Александар Вучиќ и Еди Рама во Охрид ги продолија разговорите за „Мал шенген“.
Трилатералните средби за олеснување на протокот на стоки ,услуги ,капитал и луѓе кои ќе допринесат за стабилност на економскиот развој посветен на европската интеграција и подобрување на стандардите на граѓаните продолжуваат утре.
По работниот состанок на премиерите Заев, Рама и Вучиќ ќе следи пленарна сесија на лидерите од Западен Балкан со претставници на меѓународни организации и институции.
Инаку поради средбата низ улиците во Охрид има засилено полициско присуство, а градот го надлетува хеликоптер. Од СВР-Охрид велат дека од безбедносен план опфатени се сите превентивни и оперативни мерки за непречено одвивање на средбата .
