Изложбата на Тома Димовски е рефлексија на невидливото. Визуелна поезија која ни ги доловува нашите одрази во силни лирски бои. Накратко, речиси и ние ништо не гледаме, но Димовски го гледа невидливото. Изложбата опфаќа портрети, мртва природа и пејсаж работени во техника акрил на платно, суптилно поставувајќи го прашањето „Дали кога гледаме околу нас ја имаме вистинската претстава за светот?“. Изгледа дека денешниот човек се повеќе гледа во празнината отколку во нешто конкретно.
Тома Димовски е борец и творец, и не случајно го одбира Велес за домаќин на оваа самостојна изложба која претставува пресек на неговата работа во изминатите 10 години. Роден е 1968 година во Скопје, дипломирал на етнологија на ПМФ, а денес е 4-та година на Факултетот за ликовни уметности во Скопје, во класата на професорот Антони Мазневски.
Изложбата која ќе биде отворена до 27 декември е поддржана од Министерството за култура на Република Македонија.
