Во понеделник акција за собирање стара облека во Охрид

ЈП „Охридски комуналец“ ги информира граѓаните дека во понеделник ќе имаат можност уредно да ја одложат старата облека во контејнерите на „Тексомак“, поставени на однапред утврдените локации низ градот.

— реклама —

Од претпријатието апелираат акцијата да се искористи за правилно отстранување на текстилниот отпад, со што ќе се придонесе кон намалување на количините отпад што завршуваат на депониите и ќе се поттикне одговорно постапување со употребливата облека.

— реклама —

Воедно, упатен е повик до граѓаните на кои им е потребна облека да се обратат преку зелениот телефон, со цел да добијат дополнителни информации и соодветна поддршка.

Од ЈП „Охридски комуналец“ потсетуваат дека одлагањето на облеката во контејнерите поставени во дворовите на основните и средните училишта ќе биде возможно исклучиво во рамките на работното време на училиштата.

— реклама —

Притоа, нагласуваат дека во рамките на оваа акција не се прифаќаат стари обувки, чанти и други слични предмети, туку исклучиво текстилна облека наменета за понатамошен третман.

— реклама —

Од претпријатието ги повикуваат граѓаните да покажат солидарност и еколошка одговорност, со правилно одлагање на старата облека и почитување на утврдените правила за акцијата.