Во престрелка во Кочани, рането едно лице и пренесено во ургентниот центар во Скопје

Во вооружена престрелка во Кочани рането e едно лице. Според полицијата во кратка вербална расправија Драганчо Стоименов, викан Дацо Белски пукал и го повредил Драган Здравев. Инцидентот се случил во кафе барот Аква во Кочани, попладнево околу 17 часот.

— реклама —

Веднаш по истрелите Стоименов избегал. Здравев со возило на итна медицинска помош е пренесен во кочанската болница, а од таму во скопскиот ургентен центар.

— реклама —

— реклама —

Повредениот не е во животна опасност, но има две прострелни рани во пределот на ’рбетот и лактот. Драганчо Стоименов на јавноста е познат и како телохранител на екс директорот на ДБК, а во случајот детонатор се јави во улога на оштетен и сведок. Пред 5 години, во престрелка во Скопје беше ранет со огнено оружје од Александар Василевски Нинџа.

Од СВР Штип информираат дека полицијата интензивно трага по него.