Пет лица биле лишени од слобода во Галичник откако полицијата при претрес во шаторите каде што престојувале пронашла повеќе видови недозволени супстанции.
Од МВР информираат дека на 4 септември, во периодот од 19:20 до 20:45 часот, полициски службеници од ОВР Гостивар и Полициското одделение Маврово спровеле оперативна акција во местото викано „Стопанче“.
При акцијата биле лишени од слобода А.Ј. (32), М.М. (38), К.С. (45) и В.В. (44), сите од Скопје, како и Р.Т. (38) од Куманово.
При претресот на шаторите во кои престојувале лицата биле пронајдени и одземени повеќе пакувања со марихуана, бела прашкаста и грутчеста материја, халуциногени печурки и таблети.
Петтемина се задржани во Полициската станица Гостивар за понатамошна постапка. По целосното документирање на случајот, против нив ќе следува соодветен поднесок.
