Состојбата на теренот во Скопје Север е вратена во првобитната состојба, информира градоначалникот на Општина Бутел, Дарко Костовски.
Според него, инспекторите од Општината утрово извршиле проверка и констатирале дека повеќе нема узурпација, ниту оштетување на државен имот.
„Дали надвладеал разумот или стравот од соочување со законот, воопшто не е важно. Важно е дека нема узурпација и не е оштетен државен имот“, наведе Костовски.
Тој упати повик за разум и одговорност, нагласувајќи дека државниот имот не смее да биде узурпиран или оштетуван.
„Законот важи за сите и никому нема да му биде прогледано низ прсти“, порача градоначалникот.
