Градоначалникот на Скопје, Орце Ѓорѓиевски, најави дека од 13 до 17 мај во Градскиот парк ќе се одржи јубилејното 15. издание на фестивалот „Виноскоп 2026“.
Фестивалот ќе се одржува на локацијата „Школка“, под покровителство на Град Скопје, а посетителите ќе имаат можност да дегустираат вина од бројни македонски винарии и производители.
„Виноскоп 2026“ ќе понуди и богата гастрономска содржина, како и музичко-забавна програма со домашни изведувачи, бендови и диџеи.
Според најавата, програмата во среда и четврток ќе започнува во 18 часот, во петок од 17 часот, а за време на викендот фестивалските активности ќе стартуваат од 12 часот.
Годинава фестивалот ќе вклучи и тематски музички вечери, како и дневна програма под мотото „Блуз и вино“.
„Преку ‘Виноскоп’, Град Скопје продолжува да ги поддржува македонските производители на вино и развојот на винскиот туризам“, порача Орце Ѓорѓиевски.