Во Србија уапсени четири лица осомничени за купување гласови на изборите

Четири лица се уапсени во Србија под сомнение дека учествувале во купување гласови за време на неодамнешните вонредни парламентарни избори, соопшти Вишото јавно обвинителство во Нови Сад.

— реклама —

Според обвинителството, тројца од осомничените целосно го признале делото, додека четвртото лице е задржано во притвор 48 часа и се очекува да биде сослушано.

— реклама —

Во истрагата се наведува дека осомничениот К. А. примил 30.000 динари од лицето М. Ѓ., од кои 6.000 динари задржал за себе како надомест за глас за изборната листа број 1, предводена од Српската напредна партија (СНС) на поранешниот претседател Александар Вучиќ.

— реклама —

Обвинителството тврди и дека на почетокот на ноември К. А. им исплатил по 6.000 динари во готовина на уште двајца осомничени, со цел да ги поттикне да гласаат за истата изборна листа, пренесува „Нова.рс“.

— реклама —

Тројцата осомничени биле изведени пред Посебното одделение за сузбивање на корупцијата, каде што го признале делото. Случајот го води ова одделение при Вишото јавно обвинителство во Нови Сад.