Во среда почнува четврта фаза на прскањето против комарци

Градот Скопје информира дека четвртата фаза од авионската и од терестричната дезинсекција против возрасни форми на комарци ќе почне на 31.07.2019 година, среда (авионско) и на 04.08.2019 година, недела  (терестрично).

— реклама —

 Имено, авионската дезинсекција ќе се одвива на 31.07.2019 година (среда) и на 01.08.2019 година (четврток), во раните утрински часови.

— реклама —

Терестричната дезинсекција ќе почне на 04.08.2019 година (недела) и ќе заврши најдоцна до 07.08.2019 (среда). Оваа дезинсекција ќе се одвива  во периодот од 23 до 04 часот, наредниот ден.

— реклама —

Доколку временските услови во наведените денови не се поволни, авионската дезинсекција ќе се изврши првиот нареден ден кога времето ќе биде поволно, во истиот термин, а во согласност со тоа ќе се извршува и терестричната дезинсекција.

— реклама —

Се известуваат пчеларите навреме да ги преземат потребните мерки за заштита на пчелите.