На единаесетиот ден од изборната кампања за изборите за претседател, не работи сајтот на Државната изборна комисија.
Веќе четврти ден среде екот на кампањата нема пристап до сајтот, а од ДИК велат се прават напори да се оспособи серверот, пренесе МКД.МК.
Официјалната информација од ДИК е дека се случил краток спој во електричната инсталација, а како последица на тоа се оштетил УПС во систем-салата и серверот на кој беше веб сајтот на ДИК.
Претседателските избори се на 21. Април.
