На 12.09.2019 СВР Тетово спроведе акциска контрола на брзината на движење на моторните возила и непрописното паркирање. Притоа, во Тетово откриени се вкупно 107 прекршоци, од кои 70 пречекорувања на дозволената брзина. Во Гостивар бројот на возила кои пречекориле брзина изнесувал 24. Покрај ова, откриени се и седум лица (ТЕ-4 и ГВ-3), кои ги управувале возилата без положен возачки испит, па веднаш се исклучени од сообраќај и санкционирани со законски предвидените поднесоци. Во Тетово, вчера биле санкционирани и 16 возачи за погрешно паркирање на возилата.
