Во ВМРО-ДПМНЕ пристигнати осум кандидатури, меѓу кои Ѓорчев и Силјановска, останатите се чуваат во тајност

Во седиштето на ВМРО-ДПМНЕ пристигнати се вкупно осум кандидатури на кандидати за претседател меѓу кои и оние на пратеникот Влатко Ѓорчев, професорката Гордана Силјановска и на Филип Петровски. Останатите кандидати засега се чуваат во тајност.

— реклама —

— реклама —

Рокот за поднесување на претседателски кандидатури во ВМРО-ДПМНЕ заврши во четвртокот, но партијата остави простор од 48 часа за апликациите што се пратени по пошта.

— реклама —

Кандидатурите ќе бидат разгледани од партиска комисија, која треба да утврди кој од апликантите ги исполнува предвидените услови. Кандидатите потоа добиваат шанса за промоција во општинските ограноци пред, конечно, да побараат доверба и од 530. партиски делегати на најавениот Конгрес во Струга.