Жителите на Крушеани не треба да ја користат водата од јавната чешма со кисела вода за пиење, соопшти Општина Кривогаштани.
Според извештајот за здравствената исправност на водата, издаден од ЈЗУ Центар за јавно здравје – Прилеп на 6 август 2026 година, анализираниот примерок не ги исполнува условите за безбедна вода за пиење.
Во водата е утврдено присуство на бактериите Escherichia coli, intestinal enterococci и Pseudomonas aeruginosa, како и зголемен вкупен број на колиформни бактерии.
Дополнително, анализата покажала зголемено присуство на манган и нитрити, пониска pH-вредност, поради што водата не смее да се користи за пиење.
Од Општина Кривогаштани ги известуваат сите корисници на јавната чешма да ја почитуваат препораката и да не ја користат водата за пиење.
