Пет деца загинаа, а шесто е пренесено во болница со изгореници откако пожар зафати зграда во северниот дел на Индијана вчеравечерта.
„Неколку возрасни лица, меѓу кои и деца, останаа заробени во пламенот на вториот кат од зградата. Пет деца се прогласени за мртви. Шесто е пренесено во болница во Индијанаполис“, соопшти пожарникарската служба на Саут Бенд, пренесува АП.
Еден маж се здобил со полесни повреди, а пожарникарот паднал на вториот кат и му била укажана лекарска помош, по што бил пуштен, се вели во соопштението.
Децата биле на возраст од 17 месеци до 11 години, изјави денеска на новинарите шефот на противпожарната служба Карл Бјукенан.
11-годишното момче е задржано во болница. Пожарот во Саут Бенд, град со повеќе од 100.000 жители јужно од границата со Мичиген, бил пријавен околу 18:30 часот и брзо се проширил, делумно поради ветерот, рече Бјукенан.
Екипите се бореле со огнот околу три часа. Возрасниот кој избегал им кажал на пожарникарите колку луѓе имало внатре и се обидел да спаси некои, но бил избркан од густ чад и пламен, рече Бјукенан. Причината за пожарот е под истрага.
