(Во живо) Беџети: ДУИ нема да обезбеди Бадентер за враќање на името „Македонија“

ДУИ нема да го поддржи враќањето на уставното име „Република Македонија“ и нема да обезбеди Бадентер за таква иницијатива, порача пратеникот на ДУИ, Блерим Беџети, во гостувањето во поткастот „Претрес со Ландов“.

— реклама —

Беџети беше директно прашан дали пратеничката група на ДУИ би го обезбедила потребното мнозинство доколку владејачкото мнозинство поднесе иницијатива за враќање на старото уставно име.

— реклама —

„Демократската унија за интеграција нема да поддржи такви решенија кои ќе создадат те какви проблеми за државата, дури и егзистенцијални проблеми“, рече Беџети.

Тој додаде дека ДУИ нема да се впушта во, како што ја нарече, „авантурa“ со која би можеле да се создадат сериозни последици за државата.

— реклама —

Во разговорот тој ја критикуваше власта и за односот кон граѓаните, оценувајќи дека со евентуално враќање на старото име би можеле да се создадат дополнителни проблеми и изолација.

— реклама —