(Во живо) Ја упатив Ива во Бугарија затоа што таму имаше осигурување, не знаев дека не смее да ја напушти Македонија, вели д-р Барбов за „Претрес“

Препораката Ива Михаилова да го продолжи лекувањето во Бугарија не произлегла исклучиво од медицинската состојба, туку и од фактот што имала бугарско здравствено осигурување. Ова во „Претрес“ го откри проф. д-р Иван Барбов, лекарот од Клиниката за неврологија кој ја следел нејзината здравствена состојба по сообраќајната несреќа.

Барбов објасни дека Михаилова при прегледите му кажала дека поседува македонско и бугарско државјанство, дека живее во Бугарија и дека таму е здравствено осигурена. Според неговите зборови, токму тоа било главната причина да предложи понатамошното лекување да го продолжи во Бугарија, за да не биде изложена на дополнителни трошоци за приватни прегледи и испитувања.

— реклама —

„Главната причина беше дека јас знам дека она има два пасоши, има осигурување во Бугарија и логично беше да предложиме да го продолжи лекувањето во Бугарија“, изјави Барбов.

— реклама —

Тој нагласи дека во моментот кога ја давал препораката не знаел дека на Михаилова ѝ бил одземен пасошот и дека постојат ограничувања за нејзиното заминување во странство.
Дополнително, лекарот откри дека предлогот за третман со пумпа не бил разгледуван на стручен колегиум, ниту била спроведена процедура за конзилијарно упатување на лекување во странство.

„Тоа беше само предлог од мене. Тоа не отиде на стручен колегиум“, рече Барбов.

— реклама —

Тој објасни дека за формално упатување на лекување во странство преку Фондот за здравствено осигурување постои посебна процедура, но Михаилова немала македонско здравствено осигурување, поради што таква постапка не била иницирана.

Михаилова првпат била хоспитализирана на Клиниката за неврологија на 28 декември 2025 година, а отпуштена на 31 декември. Потоа доаѓала на контролни прегледи, при што лекарите ја следеле нејзината состојба и ја приспособувале терапијата.

Од лекот за Ива Михаилова до Бошкоски, „Ровер“ и криминалот – Барбов и Раичевиќ во „Претрес“