(Во живо) Состојбата на Ива Михаилова не била животозагрозувачка, ниту морала да заврши со траен инвалидитет, вели д-р Барбов кој ја лекувал во Скопје

Невролошката состојба на Ива Михаилова, обвинета за тешка сообраќајна несреќа со еден загинат и тројца повредени, не била животозагрозувачка, ниту, според нејзиниот лекар, станувало збор за состојба која нужно би довела до траен инвалидитет. Ова во интервју за „Претрес“ го изјави проф. д-р Иван Барбов од Клиниката за неврологија, кој ја лекувал Михаилова по повредите здобиени во сообраќајната несреќа.

Барбов објасни дека Михаилова имала слабост во двете нозе, зголемен мускулен тонус и болки, поради што била подложена на дополнителни испитувања и добивала терапија. Според него, станувало збор за последици од трауматска повреда, а не за хронично неизлечиво заболување.

— реклама —

„Во секој случај не е животозагрозувачка состојба и не е состојба што би довела до некој траен инвалидитет“, рече Барбов, објаснувајќи ја природата на здравствените проблеми поради кои ја лекувал.

— реклама —

Тој посочи дека Михаилова можела да се движи, но при подолго стоење чувствувала замор и силни болки. Во текот на лекувањето биле забележани одредени подобрувања, иако првично тие биле минимални.

Особено значајно е неговото објаснување дека посттрауматските невролошки нарушувања можат да се подобруваат со текот на времето, за разлика од одредени хронични заболувања.
Во интервјуто беше отворено и прашањето дали постоела медицинска неопходност Михаилова да замине во Бугарија за поставување баклофенска или дуодопа пумпа. Барбов објасни дека таквиот третман бил предложен како можност, а не како единствен начин на лекување.

— реклама —

Неговите објаснувања отвораат важно прашање во случајот што предизвика реакции во Македонија и Бугарија: дали лекувањето во странство било медицинска неопходност или една од можностите за продолжување на терапијата?

— реклама —

ГЛЕДАЈТЕ ПРЕТРЕС ВО ЖИВО ВО МОМЕНТОВ:

Од лекот за Ива Михаилова до Бошкоски, „Ровер“ и криминалот – Барбов и Раичевиќ во „Претрес“ Гледај на LANDOV.MK 2:44:14