(Видео) Давидовиќ: Вината за процесот за Пулс е кај екс обвинителот Коцевски кој грчевито се бореше да ја задржи фотелјата

Адвокатот Звонко Давидовиќ, бранител на обвинетиот Аднан Џаферовски, поранешен директор на Дирекцијата за заштита и спасување и на еден од обезбедувачите кој бил без лиценца и стоел пред дискотеката Пулс, каде загинаа 63 лица и има повеќе од 200 повредени е гостин во ,,Претрес со Ландов”.

— реклама —

„Случајот е тежок товар за судијката, но добро го менаџира. Сепак со прифаќање на обвинението, судот го амнестираше обвинителството”, вели Давидовиќ.

— реклама —

Од 34 обвинети очекува голем дел да има ослободителни пресуди, а одговорноста да биде кај оние дозволиле запаливи средства во дискотеката и газдата на Пулс. За голем дел од обвинетите, делото ќе биде застарено.

— реклама —

„Обвиненијата требаше да се разделат. Поранешниот државен обвинител ги хушкаше родителите и немаше доблест да им каже дека судењето ќе биде долго, а нас не обвинуваше. Чесно беше со 34 обвинети, 12 обвинители, да им каже на родителите на загинатите деца дека предметот со толку обвинети и докази ќе трае. Дури ни Нирнбершкиот процес немаше толку обвинители. Таму имаше двајца или тројца обвинети.Вината е кај Коцевски, но тој грчевито се бореше да ја задржи фотелјата”, вели адвокатот Давидовиќ.