По долго боледување на 61 година, почина вокалистката на поп групата „Роксет“ Мари Фредриксон.
Со голема тага во срцето ви соопштуваме дека една од нашите најдобри пејачки почина на 9 декември од болеста со која долго време се бореше, се наведува во соопштението за јавноста.
Мари боледуваше од тумор на мозокот уште од 2002 година, неколкупати се оперираше и одеше на лечење. Дури и за време на рехабилитацијата таа продолжи да снима како соло-артист, издавајќи два албума и еден успешен сингл.
Таа во доцните 80-ти неколкупати беше прогласена за најдобар женски шведски изведувач, доби и награди за најдобар шведски албум, а со Роксет успеваа да достигнат платинасти тиражи на нивните албуми.
фото: BBC
