Вонредно генерално чистење на охридската чаршија пред туристичката сезона

Во пресрет на екот на летната туристичка сезона, екипите на ЈП „Охридски комуналец“ реализираа вонредна акција за генерално чистење на охридската чаршија, со цел најпосетуваниот дел од градот да ги пречека туристите во уредена и чиста состојба.

— реклама —

Во рамките на акцијата било извршено темелно рачно чистење на пешачката зона, при што се отстранувале тврдокорни наслаги и нечистотии со употреба на специјално средство наменето за оваа намена.

— реклама —

Од јавното претпријатие информираат дека одржувањето на хигиената во охридската чаршија, како најфреквентна пешачка зона во градот, претставува еден од највисоките приоритети на оперативните служби, особено во период кога Охрид очекува зголемен број домашни и странски посетители.

— реклама —

„Со ваквите активности настојуваме да обезбедиме чиста, уредна и пријатна средина и за граѓаните и за туристите, оставајќи позитивен впечаток за градот“, посочуваат од ЈП „Охридски комуналец“.

— реклама —

Од претпријатието најавуваат дека и во наредниот период ќе продолжат со засилени активности за одржување на јавната хигиена на повеќе локации низ Охрид, во согласност со потребите што ги наметнува летната туристичка сезона.