Полициски службеници од Полициското одделение Теарце доцна синоќа го лишиле од слобода Ј.А. (26) од тетовското село Доброште, откако било утврдено дека управувал возило без возачка дозвола.
Според информациите од СВР Тетово, на 15 јуни во 23:20 часот во селото Слатино, при сообраќајна контрола било запрено патничко возило „БМВ“ со тетовски регистарски ознаки, кое го управувал 26-годишникот.
По извршените проверки, полициските службеници констатирале дека возачот немал возачка дозвола. Возилото било одземено, а по целосното документирање на случајот против него ќе биде поднесен соодветен поднесок.
