Возач од неготинско лишен од слобода по несреќа во Пепелиште, бил пијан и со забрана за возење

Возач од неготинско е лишен од слобода откако во село Пепелиште, управувајќи возило под дејство на алкохол и со активна забрана за возење, удрил во пешак.

— реклама —

На 12.04.2026 година во 14:00 часот, полициски службеници од ОВР Неготино го лишиле од слобода Л.Д. (55) од село Пепелиште, неготинско, по сообраќајна несреќа во која учествувал со патничко возило „југо“ со неготински регистарски ознаки. Во незгодата бил удрен пешакот Р.М. (62) од истото село, кој се здобил со телесни повреди констатирани во Итна медицинска помош Неготино.

— реклама —

— реклама —

По преземени мерки и проверки било утврдено дека возачот бил под дејство на алкохол, со измерени 2,76 промили во крвта, како и дека го управувал возилото и покрај активна забрана за возење.

— реклама —

По насоки од јавен обвинител, Л.Д. бил задржан во полициска станица, а возилото било одземено. По целосно документирање на случајот ќе биде поднесена соодветна пријава против него.