Педесет и двегодишен жител на Виница бил лишен од слобода откако полициска контрола утврдила дека управувал автомобил под дејство на алкохол.
Од Министерството за внатрешни работи информираат дека на 27 јули, околу 02:25 часот, на улицата „Никола Карев“ во Виница, полициски службеници од ОВР Виница запреле патничко возило „пежо“ со винички регистарски ознаки, управувано од Т.С. (52) од Виница.
При извршената контрола било утврдено дека возачот имал 1,51 промили алкохол во крвта, по што бил лишен од слобода.
По целосното документирање на случајот, против него ќе биде поднесена соодветна пријава.
