Полициски службеници од ОВР Кичево утрово околу 04:15 часот го лишиле од слобода 39-годишниот А.Х. од Кичево, откако предизвикал сообраќајна несреќа на улицата „Прилепска“.
Според информациите од Министерството за внатрешни работи, тој управувал патнички автомобил „Мерцедес“ со кичевски регистарски ознаки, при што изгубил контрола над возилото и удрил во паркиран „Голф“, исто така со кичевски регистарски таблички.
При полициската контрола било утврдено дека возачот не поседува возачка дозвола, а алкотестирањето покажало дека имал 1,66 промили алкохол во крвта.
По целосното документирање на случајот, против него ќе биде поднесена кривична пријава за кривичното дело „безобѕирно управување со моторно возило“ по член 297-а од Кривичниот законик.
