Возач удри велосипедист во Инџиково и побегна од местото на несреќата

Дваесет и петгодишен велосипедист се здобил со тешки телесни повреди откако бил удрен од патничко возило во скопското село Инџиково, а возачот го напуштил местото на несреќата, соопшти Министерството за внатрешни работи.

— реклама —

Според МВР, несреќата се случила на 20 јули околу 19:40 часот. Патничко возило удрило во велосипед управуван од Е.С. (25) од селото Морани, по што возачот избегал.

— реклама —

— реклама —

Велосипедистот се здобил со тешки телесни повреди, кои биле констатирани во Јавната здравствена установа „Св. Наум Охридски“ во Скопје.

— реклама —

Увид на местото на несреќата извршила увидна екипа на СВР Скопје, а полицијата презема мерки за пронаоѓање на возачот кој го напуштил местото на настанот.