Тешки телесни повреди се констатирани кај 76-годишен велосипедист по сообраќајна несреќа на локалниот пат меѓу селата Марена и Сопот, Кавадаречко.
Според МВР, несреќата се случила на 30 септември околу 9 часот, кога патничко возило удрило во велосипед управуван од Б.А. (76) од Марена. По несреќата, возачот на патничкото возило го напуштил местото.
Повредениот велосипедист бил пренесен во Општата болница во Кавадарци, каде што му биле констатирани тешки телесни повреди.
Увид на местото извршила увидна екипа на ОВР Кавадарци, а полицијата презема мерки за расчистување на случајот.
