Возач удрил 79-годишна жена и побегнал

Седумдесет и деветгодишна жена е тешко повредена откако била удрена од автомобил на улицата „Лесковачка“ во Куманово. Возачот по несреќата го напуштил местото.

— реклама —

Според МВР, несреќата се случила на 31 август околу 12 часот, кога патничко возило „Пежо“ со скопски регистарски ознаки удрило во В.Д. од Куманово.

— реклама —

— реклама —

Жената се здобила со тешки телесни повреди, кои биле констатирани во Општата болница во Куманово.

— реклама —

На местото бил извршен увид од увидна екипа на СВР Куманово, а полицијата презема мерки за пронаоѓање на возачот и возилото, како и за целосно расчистување на случајот.