Возач удрил жена во Куманово и го напуштил местото на несреќата

Педесет и четиригодишна жена од Куманово се здобила со тешки телесни повреди откако била удрена од автомобил на крстосница во градот.

— реклама —

Според информациите од Министерството за внатрешни работи, несреќата се случила на 11 ноември 2026 година, околу 13:05 часот, на крстосницата меѓу улиците „Братство Единство“ и „Доне Божинов“. Патничко возило „фолксваген пасат“, управувано од 76-годишниот Б.В. од Старо Нагоричане, удрило во 54-годишната В.А. од Куманово, по што возачот го напуштил местото на несреќата.

— реклама —

— реклама —

Тој набргу бил пронајден во близина. Повредената жена била пренесена во Општата болница во Куманово, каде што биле констатирани тешките телесни повреди.

— реклама —

Полицијата извршила увид, а по целосното документирање на случајот ќе следува соодветен поднесок.