Возачот кој синоќа прегази девојка на пешачки премин во Струмица, па избега од местото на настанот, подоцна самиот се пријавил во полициска станица.
Се работи за 18 годишно момче од Струмица кое управувало патничко возило нисан, со струмички регистарски ознаки.
Според полицискиот извештај несреќата се случила синоќа, дваесетина минути пред 20 часот. Во близина на пешачки премин во центарот на градот патничкото возило удрило во 20 годишна девојка од беровското село Русиново.
Девојката со тешки телесни повреди прво била пренесена во струмичката болница, а потоа префрлена на клиниките во Скопје.
фото: Архива
