Полициски службеници на Граничниот премин Табановце лишија од слобода 39-годишен возач од Шведска, откако преку системот „Безбеден град“ било утврдено дека на автопатот А1 возел со 175 километри на час на делница каде што максимално дозволената брзина е 80 километри на час.
Од МВР информираат дека случајот бил регистриран на 27 август околу 16 часот, при проверка на патничко возило „фолксваген“ со српски регистарски ознаки, управувано од М.С. (39) од Шведска.
При проверката било утврдено дека возачот е евидентиран како сторител на кривично дело „безобѕирно управување со моторно возило“ по член 297-а од Кривичниот законик.
Според МВР, прекршувањето било регистрирано на автопатот А1, во близина на Демир Капија, каде што М.С. управувал со брзина од 175 километри на час, иако на тој дел од патот ограничувањето е 80 километри на час.
Возачот бил лишен од слобода на излез од државата, а против него ќе биде поднесена соодветна кривична пријава.
