Возел 179 км/ч на пат каде што е дозволено 80: Возач од Тетово уапсен, „мерцедесот“ одземен

Возач од Тетово е лишен од слобода откако со специјално полициско возило „пресретнувач“ бил фатен како управува со брзина од 179 километри на час на делница каде што максимално дозволената брзина е 80 километри на час, информира Министерството за внатрешни работи.

— реклама —

Според МВР, на 12 јули во 19:35 часот, на патниот правец Тетово–Гостивар, пред клучката Врапчиште, полициски службеници од Мобилната единица за безбедност на сообраќајот ја измериле брзината на возилото со специјалното возило „пресретнувач“.

— реклама —

По насоки на јавен обвинител, возачот Л.М. (27) од Тетово бил лишен од слобода, а патничкото возило „мерцедес“ со тетовски регистарски ознаки што го управувал било одземено за понатамошна постапка.

— реклама —

Против него ќе бидат преземени соодветни мерки и ќе се соочи со законски предвидените санкции согласно член 297-а од Кривичниот законик.

— реклама —

Од МВР најавуваат дека сообраќајните контроли ќе продолжат низ целата држава со цел санкционирање на несовесните возачи и зголемување на безбедноста во сообраќајот. Истовремено апелираат до сите учесници во сообраќајот да ги почитуваат сообраќајните правила и прописи.