Дваесет и тригодишен жител на тетовското село Мала Речица е лишен од слобода откако при сообраќајна контрола било утврдено дека управувал автомобил без да поседува возачка дозвола.
Од Министерството за внатрешни работи информираат дека на 20 јули, околу 22:35 часот, на улицата „Илинденска“ во Тетово, полициски службеници сопреле патничко возило „БМВ“ со тетовски регистарски ознаки, управувано од Е.Р. (23) од село Мала Речица.
По извршените проверки било констатирано дека возачот не поседува возачка дозвола, по што бил лишен од слобода, а возилото било привремено одземено.
По целосното документирање на случајот, против него ќе биде поднесен соодветен поднесок.
