Возел автомобил со 2,02 промили алкохол, приведен 33-годишен маж

Тетовската полиција лишила од слобода 33-годишен жител на Сараќино, кој бил затекнат како управува возило под дејство на алкохол.

— реклама —

Од МВР информираат дека на 15 септември во 2:40 часот, на булеварот „Маршал Тито“ во Тетово, полициски службеници од СВР Тетово го лишиле од слобода Д.Д. (33) од село Сараќино.

— реклама —

— реклама —

При сообраќајна контрола било запрено патничко возило „рено меган“ со тетовски регистарски ознаки, кое го управувал Д.Д. При проверката било утврдено дека возел под дејство на алкохол, при што му биле измерени 2,02 промили алкохол во организмот.

— реклама —

Возилото било одземено, а по целосното документирање на случајот против 33-годишникот ќе следува соодветен поднесок.